” بتمسح إيه ياقلم ” للشاعر عاطف محمد

بتمسح إيه ياقلم
ماخلاص ألمنى الألم
وزاد ف أوجاعى
سنك ف جسمى ألم

مسحك مالوش داعى
كتبت ألف جراح
وزدتهم 100
لففتنى ف بر اح
مخنوق له حنيه
متعلقه فوق سارى
سواده أنانية

بتمسح إيه ياقلم
الخط صعب تشيله
محفور على الكراسة
رسمه وتشكيله

جى ببساطه تشيل
كتبت ليه م الأصل
جرجرت أفكارنا
شدتها من عقلنا
وغصبت نكتبها
ونبان ف أجمل فصل

ياما قولنا نتروى
نعقل ونحسبها
لعنت بطء الفكر
وحذرنا و الحيطة
مبسوط يا عم القلم
لبسنا ف الحيطة

دلوقتي جى تلف
وعايزلى استيكه
بيضه بياض عنبرى
ونضيفه فبريقه
علشان ضمان المسح

جك خيبه وغويطه
حبر الكتابة شديد
من نوع مايطلعشى
ومهما قولت تشيل
أبدا ماينفعشى

اقعد لنا على جنب
وسبنا ف الخيبة
دى غلطة وغلطناها
وعليها 100 عيبه

يفيد بإيه ياقلم
تصحح الغلطة
بلاش نوبات الكرم
وقعتنى ف ورطة
ودمعه شافها الناس
آسف….. على الغلطة