” رسالة إلى ترامب ” .. قصيدة للشاعر محمد الشرقاوي
لو هتعمل فيها رامبو
يبقى آخر يوم في عمرك
اللي قبلك خافوا هربوا
والبلاد مش تحت أمرك
فوق بسرعة من الجنان
شوف إيفانكا أو حنان
مصر – باذن الله – امان
غصب عنك مش بخاطرك
أوعى تعمل فيها رامبو
يبقى آخر يوم في عمرك
————————-
أنت جاهل بالحضارة
أنت مش فاهم الشعوب
بكرة ترحل ألف غارة
بعد موتة أو هروب
يا عدو الإنسانية
عندك الإجرام شهية
راح تكون اول ضحية
ياللي بتشعلل حروب
أنت جاهل بالحضارة
أنت مش فاهم الشعوب
————————-
روح يا شاطر شوف كلابك
وانبحوا وسط الغابات
عار على الدنيا انتخابك
يوم ولحظة أو ساعات
النهاية خلاص أكيد
في البلاد مليار شهيد
بكرة يبقى الكون سعيد
بالعزيمة والثبات
روح يا شاطر شوف كلابك
وانبحوا وسط الغابات
———————–
الإيمان بالله سلوكنا
والشجاعة طبع ثابت
والكرامة دليل أسودنا
والعقيدة أكيد ما خابت
روحنا فوق الكف تحلف
والوعود بالله ما تخلف
والجيوش في بلادنا تنسف
خطة فاشلة سنين ما صابت
والإيمان بالله سلوكنا
والعزيمة أصل ثابت