” هــوَّ انا حبّـيـت ؟ ” .. قصيدة عاميَّة للشاعر محمد المنشاوي

من يـوم ما قابلتِـكْ فـي الأحــلام

لا انا قادر انام ولا عارف ارتاح

تايــه مشغـول البـال علـى طـول

والدُّنيا فْ عيني سَدَاح في مَـدَاح

متلخْبَـــطْ ليـه هــــوَّ انا حبّـيـت ؟

مــش قــادرافـرَّق بيـن أحْـــزان

وما بيـن أفْـــراح

ولا فاكِـر اسْـمـي عــلاء الدّيــن

ولاَّ اسمي صلاح

ولا عارِفْ نَفْسي انا بمْشي لوَرا

ولاَّ لقـــدَّام

ولا مين اشترى ولا أيـه اتْبَــاع

ولا بَدْفــع كـام

متلخبــط ليـــه هــوَّ  انا حبّيـت ؟

ولاَّ انا ضَعْفـان ؟

ولاَّ انا مَسْطول ؟

مش عارف أخَبِّي مشاعري فْ قَلْبي

ولاَّ أقــول

مع إنّـي حاوِلْـت كتير وداريـت

بِيْبان على وشّـي إن انا حبّيــت

وبَقَيْــت حسَّـاس

ومَفِيــش للكُـرْه فْ قلْبـي مكـان

والحُــب فْ قلْبـي لكـل النَّـــاس

هـوَّ  انا حبّيــت ؟

ولاّ انا ضَعْفـان ؟

ولاّ انا مسْطول ؟

مش عارف أخبّي مشاعري فْ قلْبي

ولاّ أقــــول

طول عُمري بخاف مِ العِشْق وأقول :

العِشْق هَوان

لَكِــنْ اتَّضَــحْ إن انـــا غَــلْطـان

أصل انا حبّيـت

وخلاص هيكون لي حبيبة وبيت

ومانيش ضَعْفـان

ومانيش مسطول

وِبْعِلو الصّوت هَاصْرُخ وهاقول

إن انــا حبّـيــت ،،،

 

اترك رد

لن يتم نشر عنوان بريدك الإلكتروني.