” قلب شارد ” .. للشاعر عاطف محمد

ألتقيته مره شارد
قلب متحجر وبارد
حالته صعبه
وحجمه مارد
رحت شده بحبل ود
قولت اشوف حالته بجد
بس عصلج منى حبه
شوفت فيه ظلم الأحبه
شوفت كسره بشكل واضح
ألتقيت نبضه بيبكى
لاء بيصرخ بعلو صوته
نبض بيقول اتظلمت
قولت طب أهدى وروق
قولت أقوله كلام مزوق
بصيت له بصة ألف حب
أحكى مين ظلمك ياقلب
بص بصه من وريده
قال كتير
حبيت كلامهم
واتخدعت بنور سلامهم
وألتقيت منهم خيانه
باعوا فيا
واشتروا كل اللى باعهم
قولت أبعد
قولت اشرد
قولت اعيش وسط الجبال
أبقى متحجر وساكت
ليه عايزنى أدق تانى
مش كفاية الشوق قتلنى
والخيانة مزعت
حبى وكيانى
ألتقيت الحق عنده
رحت فاكك حبل شده
ومشيت فى صمت

اترك رد

لن يتم نشر عنوان بريدك الإلكتروني.