” ألف تحية للغربية ” .. قصيدة للشاعر محمد الشرقاوي
(١)
ألف تحية للغربية
فيها رموز أعلام مصرية
صنعت لينا كتير أمجاد
كل ساعات ترسم أعياد
شمس ونورها في مصرنا زاد
هي جميلة وأحلى هدية
ألف تحية للغربية
(٢)
علم ودين وسياسة وطب
فيها عقول تتحدى الصعب
ترسم فجر عظيم ودليل
يحمي حضارة وادي النيل
يفتح تاني لبكرة سبيل
يصنع لنا أحلام وردية
ألف تحية للغربية
(٣)
كان الشاذلي القائد منها
عاشق مصر يدافع عنها
وسميرة موسى كمان والحصري
والنحاس ده الرمز المصري
سعد زعيم الثورة العصري
واسأل عن أعمال تاريخية
ألف تحية للغربية
(٤)
عبدالمنعم يبقى فريق
صانع هنا للنصر طريق
وابن السيد عالم عالم
مصطفى كان بالعلم مسالم
باختراعاته هيشفى الحالم
من أمراضه المستعصية
ألف تحية للغربية
(٥)
طنطا مدينة أصيلة كبيرة
وسط اخواتها عايشة أميرة
وادي كمان كفر الزيات
وسمنود أرض الحضارات
واسأل عن أجود صناعات
عاشت لينا محلة غنية
ألف تحية للغربية
(٦)
فيها الجامعة وفيها المصنع
والفلاح العاشق يزرع
يحصد خير في بلادنا يفيد
يصنع كل سعادة وعيد
والإنتاج يظهر ويزيد
وتعيش مصر عزيزة غنية
ألف تحية للغربية