” حفلة سامح ” .. قصيدة للشاعر محمد الشرقاوي
( تحية لشيخ العرب سامح خليفة صالح الجابوصي بمناسبة وصوله لسن المعاش )
كله كله يهني سامح
طول حياته قلبه فاتح
للمحبة ألف باب
حب خالص مش مصالح
الورود بتقول حكاية
والقلوب تكتب رواية
والعيون بتقول معايا
غنوة حلوة للمكافح
كله كله يهني سامح
—————————
سيرة فيها أصل عالي
والفعال تكسب رهان
نجم ساكن في العلالي
واسألوا وردان كمان
وأسالو أهل المناشي
واشرحوا للي مجاشي
اللي يبعد ما ارتواشي
من كرم قلبه المسامح
كله يعزف أحلى غنوة
فيها أحلى كلام لسامح
—————————–
شيخ عرب وكبير مقام
خطوته تفرق كتير
في المجالس باحترام
وسط كل الناس أمير
والشهامة بدون حدود
والعزيمة والصمود
والجميع طبعا شهود
فكر واعي وعقل ناصح
قولوا تاني أحلى غنوة
فيها أحلى كلام لسامح