لما ظهرت أحلا شمس
الشموس طارت بعيد
والزهور غنت بهمس
عيد ميلادك أحلا عيد
والقمر نازل يقول
سحرها ملهوش حلول
قصة من أجمل فصول
شمس طالعة بنور جديد
والليلة دي الفرحة قالت
عيد ميلادك أحلا عيد
————————
لما تنطق تلقى كلمة
ليها معنى وفيها روح
لو تعامل تلقى رحمة
بالأمل تمحي الجروح
في الذكاء أجمل حكاية
في الطموح تكتب رواية
هي غنوة من البداية
شمس واحدة في الصعيد
والليلة دي الفرحة قالت
عيد ميلادك أحلا عيد
———————–
الشموع بين الزهور
واقفة وسط البيت تغني
والقلوب زي الطيور
بابتسامة جات تهني
بيت وأهل وعيلة صالحة
بكرة جاي بأغلى فرحة
بكرة نكتب أحلا صفحة
كل يوم أنوار تزيد
والليلة دي الفرحة قالت
عيد ميلادك أحلا عيد
————————–
مش هبالغ مش هجامل
لما أقول والدنيا سامعة
بنت أخويا الحاج كامل
ذوق وفهم وعلم جامعة
والجمال من غير حدود
أغلى وردة في الورود
يحفظك من عين حسود
والأماني تشوف مزيد
والليلة دي الفرحة قالت
عيد ميلادك أحلا عيد