” ليلة أجمل م الخيال ” .. كلمات الشاعر محمد الشرقاوي
(تهنئة بمناسبة زفاف رضوة خلف وإسلام صبري )
ألف مرحب بالحبايب
اللي زادو اليوم جمال
ألف مرحب بالقرايب
اللي خلوا الفرحة عال
ألف مرحب بالجيران
في القلوب أفراح تبان
ترسم النور في المكان
حب فوق كل احتمال
يللا قولوا يللا غنوا
ليلة أجمل م الخيال
———————
ليلة حلوة بالعريس
نجم وابن أصول كمان
مش في لندن أو باريس
ابن مصر الحلوة بان
قال هكمل نص ديني
حب يسكن جوه عيني
قلب رضوة بيناديني
ألف مرحب بالوصال
يللا قولوا يللا غنوا
ليلة أجمل م الخيال
——————–
ليلة حلوة بالعروسة
نورها يغلب أي نور
وردة قاعدة في أحلى كوشة
ملكة تسكن في القصور
رضوة يا إسلام أمانة
بالمحبة تنول مكانة
والسعادة تشوف حصانة
بدون معاندة أو جدال
يللا قولوا يللا غنوا
ليلة أجمل م الخيال
———————
وانتوا يا كل الحضور
ربنا يحفظ قلوبكم
بالمحبة والسرور
والرضا يسكن بيوتكم
ترسموا أحلام جميلة
تصنعوا أفراح طويلة
تحفظوا أولاد وعيلة
يجمعوا أحسن خصال
يللا قولوا يللا غنوا
ليلة أجمل م الخيال