هلت الأنوار يا سجدة
والعيون والدنيا شاهدة
ربنا يبارك ويحفظ
وسط كل العيلة وردة
شمس طالعة في يوم جديد
أحلى فرحة وأحلى عيد
بيها كل الكون سعيد
وجه بحري والصعايدة
هلت الأنوار يا سجدة
———————–
هلت الأنوار في مايو
والشوارع في احتفال
قول يا عمو قول يا خالو
أحلى غنوة للجمال
والزهور كتبت كلام
للحبايب مية وسام
كله قال تعظيم سلام
والقلوب الصافية حامدة
هلت الأنوار يا سجدة
——————-
هلت الأنوار يا فيفي
قولي باسم الله يصون
بنت أدهم بيه عفيفي
أحلى شكل وأحلى لون
بكرة تكبر بين إيديكم
فرحة تجري قصاد عينيكم
تبقى حاجة عظيمة بيكم
في النجاح والعقل صاعدة
هلت الأنوار يا سجدة