” يا أمة الإسلام ” .. قصيدة للشاعر محمد الشرقاوي
يا أمة الإسلام
أهل الوطن في خيام
منهم حريم وشيوخ
وآلاف من الأيتام
صامدين في خط النار
ما لهم حبيب ولا جار
حافظين دعاء الغار
بعزيمة رافضة تنام
يا أمة الإسلام
—————————-
يا أمة الإسلام
اصحي وكفاية خصام
ليه تسكني في الخوف
وتسامحي في الإجرام
هجمت كلاب الغرب
والكفر أعلن حرب
على دين صحيح في القلب
رافض يعيش في ظلام
يا أمة الإسلام
—————————-
يا أمة الإسلام
أصفار بلا أرقام
الوحدة فرض أكيد
تجمع صلاة وصيام
كل السنين في حديد
تصرخ تقول يا عبيد
مليون شهيد وشهيد
وتقولوا تاني سلام !
يا أمة الإسلام
—————————–
يا أمة الإسلام
محتاجة بس جرام
من غيرة على حرمتك
تطعن عيون أقزام
والمجد للأبطال
إيمان يهد جبال
والظلم لو يوم طال
النصر للقسام
يا أمة الإسلام
————————
يا أمة الإسلام
ليه راضية بالإعدام
من شلة الخنازير
في الصمت واخدة وسام
فين الجيوش والخطط
الوضع صعب وغلط
كل الحلول الوسط
بتاخدنا للأوهام
يا أمة الإسلام