كان ممكن يوم تسافر
وتسيب جرح البلاد
لكن عشت المخاطر
ورسمت طريق جهاد
أصل أنت يا عدنان
الفارس في الميدان
صادق مع الرحمن
والجنة هناك حصاد
وانت اللي عشقت شعبك
وبقيت رمز الجهاد
——————–
كان ممكن تبقى قصة
في الطب وفي العلوم
تجمع من كل حصة
مليون يورو في يوم
وتعيش عيشة رئيس
في واشنطن أو باريس
لكن المعدن نفيس
غير ناس خاينة وناقصة
وانت اللي أطعت ربك
وبقيت في بلادنا قصة
———————-
اصعد في الجنة فوق
واشكر ربك كتير
كان قلبك كله شوق
تلبس أجمل حرير
في عيونك لون عتاب
بيقول فين الشباب
الشعب العربي غاب
واستسلم للمصير
محتاج اليوم يا وطني
فارس حر وأمير