المستشار علاء سليم يكتب : كلنا معاك .. حنكمل المشوار
مش أول مرة نقول للريس احنا معاك .. قلناها لما الارهاب ملأ الشوارع .. والناس كانت بتموت ويرموها من فوق اسطح البنايات .. قلناها لما رفعوا علينا السلاح في الشوارع .. وخطفوا البنات من حضن اهاليهم من المدارس والحارات ..
لو نسينا الخوف اللي عشنا فيه والأمن اللي افتقدناه ، لو نسينا عرضنا وشرفنا لما كانوا يخطفوا البنات ، وسياراتنا اللي اتسرقت .. وآثارنا اللي اتنهبت ودواوين الوزارات والهيئات والمؤسسات اللي اتحرقت .. لو نسينا كل اللي فات عمرنا ما ننسى وقفته زي الأسد يوم ما بايعناه للثورة ، وبايعناه للرئاسة ، وحمانا وسترنا ودافع عننا .
المصريون في الكويت اختاروا نفس المعنى ((كلنا معاك .. حنكمل المشوار)) حملة شعبية من أبناء الجالية علشان يعبروا عن حبهم وتأييدهم للرئيس ومساندتهم له في الانتخابات .. وليه لأ !!..مش من حقة يحصد الإنجازات .. ويتمم المشروعات .. ويقود الدفاع عن مصر بحكمة رجل المخابرات .
حأيد الرئيس اللي عمره ما طلب حاجه لنفسه ولا سمى اسم مدرسه بإسمه واتبرع بنص راتبه ونصيبه في ميراث ابوه .. حأيد الرجل القدوة المهذب المتدين جابر الخواطر .. اللي بيشتغل ليل نهار .. وادعو كل ابناء الخارج أيام الأول والثاني والثالث من ديسمبر القادم للنزول لمقار اللجان لتأييد الرئيس .