الكاتب الصحفي محمد يوسف العزيزي يكتب : هي دي الحكاية باختصار !
![](https://alraeys.com/wp-content/uploads/2024/04/alazizi-150x150.jpg)
ليه بيقولوا عليها الجائزة الكبري ..؟
لأنها قلب المنطقة العربية..والمنطقة العربية قلب العالم..وعلم الجغرافيا السياسية بيقول من يملك قلب العالم ..يملك العالم كله .. ومصر قلب قلب العالم ..
وعلشان كده تم زرع الكيان الصهيوني اللي عاوز الجائزة الكبري ..
بس الأول الكيان يعيش في الطوق النظيف من غير جيوش ولا قوة ولا مقاومة حواليه ..
انت فاهم ليه اتعمل الربيع العبري وتم التخلص من بعض الدول الوطنية وتحويلها لدول فاشلة بفعل الناتو في ليبيا والإرهاب في سوريا .. وزرع بذور الفرقة في السودان .. واحتلال ضمني بقواعد عسكرية واساطيل حربية في مياه عربية ..
كل ده علشان يبقي فيه مبرر لعمليات الإزاحة وتفريغ منطقة الطوق النظيف
لتنفيذ المخطط للسيطرة علي قلب العالم ..
ده يرجعنا لاستراتيجية بناء مصر للقوة الشاملة بأسرع ما يمكن وبأي تكلفة .. ليه الرافال والغواصات والفرقاطات والميسترال وما خفي كان أعظم.. وليه المحاور والطرق ووسائل النقل السريع .. وليه ..وليه !!
هي دي الحكاية باختصار