“هنا خالد “.. قصيدة للشاعر محمد الشرقاوي

هنا خالد
هنا ياسمين
ونور صاعد
تقول قمرين
حكايتهم
حكاية حب
وقصتهم
مودة وقرب
بندعي لهم
بصدق يا رب
تعيش العمر فرحتهم
وتحميهم
كمان م العين
هنا خالد
هنا ياسمين

——————

هنا ياسمين
هنا خالد
هنا عروسين
أمل واحد
وإيد في الإيد
باخلاصهم
وبكرة سعيد
بأفراحهم
وحلم جديد
بأولادهم
يربوهم في علم ودين
ويبقى العمر
أحلى سنين
هنا خالد
هنا ياسمين

———————

هنا العيلة
أصول وأساس
وعشرتهم
تحب الناس
وروح حلوة
وكلمة ود
وكام غنوة
ورقصة بجد
عروسة جامدة
جميلة القد
وصورة تشهد
على العاشقين
هنا خالد
هنا ياسمين

——————-

هنا تورتة
وأحلى جاتوه
وزغرودة
لناس عشقوه
حبايبنا
في ليلة العمر
قرايبنا
أناقة وسحر
وفرحتنا
وراها السر
محبتنا سنين وسنين
هنا خالد
هنا ياسمين