” أحلى أية ” .. قصيدة للشاعر محمد الشرقاوي
عيد ميلاد الحلوة مين
عيد ميلاد الحلوة أية
والحبايب فرحانين
والنجوم طالعة في سمايا
ياللا غنوا بأعلى صوت
صحصحوا كل البيوت
واللي ع الكورنيش يفوت
ألف غنوة مش كفاية
عيد ميلاد الحلوة مين
عيد ميلاد الحلوة أية
———————-
بكرة يبدأ عام جديد
والفرح لازم يكون
والأمل طالع يزيد
والسعادة في العيون
بسملة وأمنية فارس
سلمى قالت ربي حارس
من ديسمبر حد مارس
احتفال يعمل حكاية
عيد ميلاد الحلوة مين
عيد ميلاد الحلوة أية
————————
وزعوا تورته وجاتوه
وارقصوا لحد الصباح
والأمل دايما عيشوه
والحياة من غير جراح
يا بسنت الغنوة فين
فرحي أسماء سنين
توته ترقص رقصتين
يكتبوا عنهم رواية
عيد ميلاد الحلوة مين
عيد ميلاد الحلوة أية