” مش كذاب ” قصة شعرية بقلم عاطف محمد

كان فيه يوم نجار شغال
جنب النهر وعال العال
فجأة وقع منه المنشار
جوه النهر وضاع ف الحال
سمعت يوم جنيه بكاه
خرجت دوغرى قامت ندهاه
ليه بتعيط بس ياعم
مالك شايل ليه الهم
قال: منشارى رزقى ومالى
ضاع ف النهر ووقف حالى
مين هأياكل بس عيالى
غطست جابت منشار دهبى
سألت:
منشارك ياعجوز
قال: مش هو ولوى البوز
غسطت تانى وجابت فضة
:ده منشارك رد ياانت
:مش منشارى مهما يكون
غسطت جابت منشار ماس
مترصع همه وحماس
قالها: برضه مش منشارى
بطلى لعب ده أكل عيالى
غسطت جابت المنشار
ضحكه زاد
وطلعه نهار
قاله:
يااخى وقعت لى قلبى
الجنيه عجبها الصدق
فقر صحيح
بس قوالته عين حق
:أنت أكيد ف الصدق كبير
وادته ف التو المناشير
علشان كان صادق وأمير
بس فى يوم تانى كان باكى
:ليه بتعيط قاعد شاكى
:أصل مراتى وقعت منى
جوه النهر وتاهت عنى
الجنية غطست خرجت
ومعاها هيفاء بجمالها
:هى دى مراتك ياعجوز
ايوه وغيرها مش راح اعوز
غضبت قالت: آه ياكداب
كدبك عار ولازمله حساب
:قالها عمرى ماباكدب ابدا
اصلى لو قالت دى مش هى
هاتجيبى اليسا مع نانسى
ومعاهم صافيناز كهديه
قلت اقول هيفاء دى مراتى
علشان صدقى يجيبلى الحق
وأنا راجل عجزت خلاص
مااقدرشى ع الكتره ياناس
قلت هيفا هاتبقى كفاية
ربنا هايبارك فى نعيمه
وانا لسه برضه على قديمه
ضحكت قالت عندك حق
حد يجيله هيفا يقولها لأ