يا شاغلة صالح يا بسملة
يا جميلة سحرك دا مشكلة
في القلب نار
والعقل طار
أصل الحمار
عايش في أصغر مرحلة
يا شاغلة صالح يا بسملة
———————-
يا شاغلة صالح بنظرتين
وبضحكة حلوة وبكلمتين
قال لك تعالي
واشفي لي حالي
داللي جرالي
أسهر ليالي في البهدلة
يا شاغلة صالح يا بسملة
————————
خمسين وسبعة بابن الكلاب
وعاملي روميو والشعر شاب
ضاعت مكانتك
بانت خيانتك
دي بنت بنتك
واحسب يا ساقط في المسألة
يا شاغلة صالح يا بسملة
———————–
مجنون وجاهل مع إنه إيه
مغرور وعامل قدامنا بيه
والواتس قال
حركات عيال
ولا في الخيال
قصة غرامك دي مذهلة
يا شاغلة صالح يا بسملة
———————
عمال بتحلم تحضن تبوس
أخرتها تلقى حلمك كابوس
أصلك حقير
وحمار كبير
مجرم خطير
لكن نهايتك في المذبلة
يا شاغلة صالح يا بسملة
——————–
أشرف لك أنت حالا تموت
ربك ما يرضى عنك سكوت
بعت الأمانة
عشت في مهانة
ابعد كفانا
شايفين فصول في المهزلة
يا شاغلة صالح يا بسملة
———————
يا مين يروح عند المدام
يحكي لها حالا أغرب كلام
ع الخد شوف
لون الكفوف
ضاع الخروف
ربك كريم ما أعدله
يا شاغلة صالح يا بسملة
