وليه عشقك يخليني
حزين مهموم
وانا عهدي ومن ديني
ما اخونك يوم
يا بايعة أعز أحبابك
وقافلة في وشهم بابك
عشقتي كام لئيم سابك
سرق توبك وقال مظلوم
وانا عشقك مخليني
حزين مهموم
————————-
وليه عشقك بيرميني
في بحر دموع
تمر حياتي وسنيني
في غربة وجوع
كلاب الأرض تجرحني
وكلمة ذل تدبحني
مفيش مخلوق يفرحني
عشان ممنوع
وقلبك لسه ناسيني
في غربة وجوع
—————————-
وليه عشقك يتوهني
في ليل وعذاب
والاقي الحلم في عيوني
خداع وسراب
وعودك كلها أوهام
حياتك كلها أفلام
ونفس الغنوة والأنفام
بتحكيها في كل كتاب
وانا عشقك متوهني
في ليل وعذاب
—————————-
وليه عشقك يعشمني
بغصن زهور
وبصحى الصبح من نومي
ما الاقي فطور
واكمل لبسي في الشارع
وبعد العلم أكون ضايع
واشوف فاسد واشوف صايع
ينام في قصور
وانا يا حبيبتي مش لاقي
رغيف مكسور
