فنون وثقافة

( العبور ) للشاعر محمد جابر

بواسطة جريدة الرئيس
( العبور )
صيام وقيام
شهرنا رمضان
بركاته بتحضن أيامنا
لياليه ما تنام
شهر القرآن
كرمه بيهل على ديارنا
العاشر منه عــ الضفة
والساعة اتنين الضهر
انتفض المارد للزفة
يمشي في مواكب للنصر
صومه يديله 100 قوة
متدرب دايما عــ الصبر
انفجر المارد بيهاجم
ويرد حقوقنا وهو صايم
بينادي فينا الله أكبر
الجندي الواحد بجيوشهم
ثقته بمولاه خلته يقدر
على 1000 عبور وعبور تاني
يضرب بِتْعَلّم في الجاني
تخطيطه رسايل جامعية
وتنفيذه بدقة خيالية
قهرت أعدائه وذلتهم
في عبور مقدام  بهر العالم
الدانة تزغرد وتفجر
والمدفع يصرخ ويدمر
من تاني نقول الله اكبر
العدو عندنا مالهوش دية
على خط النار احنا وحوش
نتناوب وبنفس سخية
على نصر عزيز
أو الاستشهاد
عنوان أرواحنا دى أبية
واهبينها لأرض أم الدنيا
الأرض العرض دى عقيدتنا
الشبر ده منها ما يتاقل
بكنوز الدنيا ده مبدأنا
من أصغر رتبة لأعلاها
واخدين الحب ده مشروعنا
يا جيشنا يا غالي يا متحنى
بتراب من أرض الفيروز
مصرنا دايما بيك بتغني
شهدائنا دول لينا رموز
عبور بالحق وكان للحق
وسينا تنادي الأبطال
اللى واهبينا روحهم لينا
في أى زمان
 وفــ أى مكان
وصيام وقيام
شهرنا رمضان
بركاته بتحضن أيامنا
لياليه ما تنام
شهر القرآن
كرمه بيهل على ديارنا
قد يعجبك ايضا المزيد عن المؤلف
اترك رد

لن يتم نشر عنوان بريدك الإلكتروني.