محمد يوسف العزيزي يكتب : هو احنا كده .. بلدي !

هو إحنا كده بلدي .. بنحب نعبر عن نفسنا بالطريقة البلدي ونحب ولاد البلد وبنحب البلد وبنحب ستات البلد اللي بترقص للبلد احسن من رجاله كتير بترقص لقرد تركيا وبترقص ليتيم المجد القطري .. منهم أساتذة جامعات وعلوم سياسية رقصوا للدولار وزحفوا علي بطونهم سعيا وراء المال ..

وعلشان ما يطلعش واحد يقول الناس دي والستات والرجالة اللي بيرقصوا قابضين فلوس .. هوافق علي خيالك المريض ان بعضهم قابضين .. ماشي .. طيب هو فيه اغني من تميم قطر وقرد تركيا وأموال التنظيم الإرهابي .. طيب يجربوا ويدفعوا أموال ويخلوا الناس دي تنزل .. الجيم مفتوح ..نشوف تأثيرهم كمان بالمال .. هتلاقي واحد نازل علشان يحمي بلده .. وكلب بلدي نازل علشان يهد بلده ..
بلاش دي .. خلي مليارتك تنزل للناس دي وشوف هيقولولك إيه ..؟
الخلاصة ..

يبدو أن الوطن محتاج كل فترة يحرث أرضه ويقلب تربتها ليخرج منها الدود والحشرات السامة والآفات الضارة ، وينقي منها السوس  الذي ينخر فيها ..

كل فترة البلد محتاجه تاخد دش بارد وساخن وتستحم لتتخلص من العرق ورائحته الكريهة ، وتنفض عن جسدها الوساخة ..
والوساخة دي معروفة.. هي كل الخونة والمأجورين وفي قلبهم من كانوا يتصدرون المشهد ويعتبرون أنفسهم ايقونات ثورة  وقادة رأي ونشطاء وأصحاب دكاكين السبوبة ، كل هؤلاء سقطت عنهم ورقة التوت فظهرت عوراتهم بالصوت والصورة علي الملأ ..
اليوم يبرهن المصريون علي مصريتهم ويكشفون زيف المدعين والكارهين والخونة .. اليوم يقف المصريون وراء دولتهم ، ويحمون مشروعهم الوطني ، ويجددون الثقة في اختيارهم لقائد مسيرتهم ..

تحيا مصر .. تحيا مصر .. تحيا مصر